રેખ્તા
હિન્દવી
સૂફીનામા
રાજસ્થાની
શામળા વેલણિયા
shamla welaniya
શામળા વેલણિયા
shamla welaniya
શામળા વેલણિયા, ખેતર પાદર ખેડિયા,
એણે આવ્યો મારો સાસરો!
શામળા વેલણિયા, માથોડું માળો ઘાલિયો,
શામળા વેલણિયા, મારગે આવે ચાર જણા!
શામળા વેલણિયા, વચ્ચે આવે ઈ મારો વીર,
શામળા વેલણિયા, વીરાની ગાંઠે ચૂંદડી,
શામળા વેલણિયા, ચોખલિયા ભાત જો!
શામળા વેલણિયા, ભાલિયો આંધણ મેલિયો,
શામળા વેલણિયા, એક જ ચોખો ઓરિયો!
શામળા વેલણિયા, આખું કુટુંબ નોતર્યું,
શામળા વેલણિયા, સોક્યના છોકરાં નોતર્યાં રે,
શામળા વેલણિયા, તો યે ન ખૂટી મારી ખીચડી!
સ્રોત
- પુસ્તક : ગુજરાતી લોકસાહિત્યમાળા – મણકો–1 (પૃષ્ઠ ક્રમાંક 231)
- સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1957