રેખ્તા
હિન્દવી
સૂફીનામા
રાજસ્થાની
માજી દેવ ડુંગરથી ઊતર્યાં
maji dew Dungarthi utaryan
માજી દેવ ડુંગરથી ઊતર્યાં
maji dew Dungarthi utaryan
માજી દેવ ડુંગરથી ઊતર્યાં
મા આવી વસ્યાં ભાવેણા શે’ર મોરી મા,
- ચૌદ ભુવનની જોગણી.
મા, ભાવેણા શે’રના ભૂપતિ એમ ભણે
મારી નગરીમાં રહો દિન નવ મોરી મા,
- ચૌદ ભુવનની જોગણી.
તમે એ શું બોલ્યા ભોળા રાજવી!
મારી નગરી પડી સૂનકાર મોરી મા,
- ચૌદ ભુવનની જોગણી.
મા દેવ ડુંગરેથી ઊતર્યાં
મા આવી રહ્યાં બ્રહ્મ પોળ, મોરી મા,
- ચૌદ ભુવનની જોગણી.
મા બ્રહ્મપોળમાં કીયો ભાઈ એમ ભણે
મારા ઓરડે રહો દિન ચાર મોરી મા
- ચૌદ ભુવનની જોગણી.
તમે એ શું બોલ્યા ભોળા માનવી
મારા ઓરડા પડ્યા સૂનકાર મોરી મા
- ચૌદ ભુવનની જોગણી.
સ્રોત
- પુસ્તક : ગુજરાતી લોકસાહિત્યમાળા – મણકો– ૨ (પૃષ્ઠ ક્રમાંક 179)
- સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, શ્રીમતી મનોરમા ભટ્ટ
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1959