રેખ્તા
હિન્દવી
સૂફીનામા
રાજસ્થાની
લીલા ચણાની ચણોઠડી
lila chanani chanothDi
લીલા ચણાની ચણોઠડી
lila chanani chanothDi
લીલા ચણાની ચણોઠડી ને આઈ, ઝાંઝરનો ઝમકાર;
માન સરોવર ઝીલવા ગ્યાં’તાં દડવાની દાતાર.
આંધળે રે આઈ, આંધળે, રોક્યાં મઢનાં બાર,
આંધળાને આંખ્યો દેશે, દડવાની દાતાર.
લીલા ચણાની ચણોઠડી ને આઈ, ઝાંઝરનો ઝમકાર;
માન સરોવર ઝીલવા ગ્યાંતાં દડવાની દાતાર.
પાંગળે રે આ, પાંગળે, રોક્યાં મઢનાં બાર,
પાંગળાને પગ દેશે, દડવાની દાતાર.
લીલા ચણાની ચણોઠડી ને આઈ, ઝાંઝરનો ઝમકાર;
માન સરોવર ઝીલવા ગ્યાં’તાં દડવાની દાતાર.
વાંઝિયે રે આઈ, વાંઝિયે, રોક્યાં મઢનાં બાર,
વાંઝિયાંને પુતર દેશે, દડવાની દાતાર.
લીલા ચણાની ચણોઠડી ને આઈ, ઝાંઝરનો ઝમકાર;
માન સરોવર ઝીલવા ગ્યાં’તાં દડવાની દાતાર.
કોઢિયે રે આ, કોઢિયે રોક્યાં મઢનાં બાર,
કોઢિયાંને કાયા દેશે દડવાની દાતાર.
સ્રોત
- પુસ્તક : ગુજરાતી લોકસાહિત્યમાળા – મણકો– ૨ (પૃષ્ઠ ક્રમાંક 93)
- સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, મનુભાઈ જોધાણી.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1959