રેખ્તા
હિન્દવી
સૂફીનામા
રાજસ્થાની
પરીક્ષા
pariksha
પરીક્ષા
pariksha
સાત કૂવા ને સાત પાવઠાં; સોળે ચાલે પાણીડાંની હાર :
મારા છેલડા! રો’ને, રતનગઢ રાજમાં.
પાદર પરદેશીએ તંબૂ તાણિઓ, પરદેશી બેઠેલો પાળ :
મારા છેલડા! રો’ને રતનગઢ રાજમાં.
કાખમાં પુતર ને પાણી હાંસર્યાં; તોય ન આવી સાસુડીને મે’ર :
મારા છેલડા! રો’ને રતનગઢ રાજમાં.
સોળેયનાં મોઢાં છે; ઉજ્ળાં; ને તારલો કેમ ભીનો વાન ?
મારા છેલડા! રો’ને રતનગઢ રાજમાં.
સોળેયનાં પિયડા ઘેર છે; મારલો પિયુ પરદેશ :
મારા છેલડા! રો’ને રતનગઢ રાજમાં.
મેલો પિયર ને મેલો સાસરું, ચાલોને અમારલી સાથ :
મારા છેલડા! રો’ને રતનગઢ રાજમાં.
લાજે પિયર ને લાજે સાસરું, લાજે મારાં મા ને બાપ :
મારા છેલડા! રો’ને રતનગઢ રાજમાં.
પિયરમાં લાજે મારો મા-જણ્યો, ને લાજે મારો પિયુ પરદેશ :
મારા છેલડા! રો’ને રતનગઢ રાજમાં.
વારી જાઉં ગોરાંદે તારા બોલને, રાખી મારા ઘરડાની લાજ :
મારા છેલડા! રો’ને રતનગઢ રાજમાં.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 291)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, કંચન જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968