રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

ઊંચા ઊંચા રે દાદા ગઢડાં ચણાવો

ઊંચા ઊંચા રે દાદા ગઢડાં ચણાવો

Roman

ઊંચા રે દાદા ગઢડાં ચણાવો,

તે પે ઊંચેરા ગઢના કાંગરા.

કાંગરે ચડીને બેની રેખાબા જુવે,

કેટલેક આવે વરરાજિયો.

પાંચસે પાળા રે દાદા છસેં ચડિયાત

ઘોડાની ધૂમસે વરરાજિયો.

કોઠિયું ના ઘઉં રે ધેડી તારી જાને ખૂટવાડ્યા,

તોય ન રીઝ્યો વરરાજિયો.

ગૌરીના ઘી રે ધેડી તારી જાને ખૂટવાડ્યા,

તોય ન રીઝ્યો વરરાજિયો.

જોટ્યુના દૂધ રે ધેડી તારી જાને ખૂટવાડ્યા,

તોય ન રીઝ્યો વરરાજિયો.

નદીયુંના નીર રે ધેડી તારી જાને ખૂટવાડ્યા,

તોય ન રીઝ્યો વરરાજિયો.

હાથપગ ધોઈને દાદે રેખાબા દીધા,

ધમકે રીઝ્યો રે વરરાજિયો.

સ્રોત

પુસ્તક : ગુજરાતનાં લોકગીતો (પૃષ્ઠ ક્રમાંક 10)
સંપાદક : ખોડીદાસ પરમાર
પ્રકાશક : સાહિત્ય અકાદમી
વર્ષ : 2018
આવૃત્તિ : પુનર્મુદ્રણ