રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

એક રાજ દુવારકામાં રમતાં

એક રાજ દુવારકામાં રમતાં

Roman

એક રાજ દુવારકામાં રમતાં રેખાબા,

દાદાએ હસીને બોલાવિયા,

કાં, કાં રે ધેડી તારી દેહ જ દૂબળી,

આંખલડી કાં જળે ભરી?

નથી, નથી રે દાદા, મારી દેહ જ દૂબળી,

આંખલડી રે રતને જડી.

એક ઊંચો તે વર નો જોજો રે દાદા,

ઊંચો તો નત્ય નેવાં ભાંગશે.

એક નીચો તે વર નો જોજો રે દાદા,

નીચો તે નત્ય ઠેબે આવશે.

એક કાળો તે વર નો જોજો રે દાદા,

કાળો તે કટંબ લજાવશે.

એક ધોળો તે વર નો જોજો રે દાદા,

ધોળો તે આપ વખાણશે.

એક કેડે પાતળીયો ને મુખ રે શામળિયો,

તે મારી સૈયરે વખાણિયો.

એક પાણી ભરતી પાણીઆરીએ વખાણ્યો,

ભલો રે વખણ્યો મારી ભાભીએ.

સ્રોત

પુસ્તક : ગુજરાતનાં લોકગીતો (પૃષ્ઠ ક્રમાંક 9)
સંપાદક : ખોડીદાસ પરમાર
પ્રકાશક : સાહિત્ય અકાદમી
વર્ષ : 2018
આવૃત્તિ : પુનર્મુદ્રણ