રેખ્તા
હિન્દવી
સૂફીનામા
રાજસ્થાની
દારૂડામાં ડૂલ્યો
daruDaman Dulyo
હો વણઝારા રે, તારે ભમરિયાળો ભાલો;
હોવે હોવે, તારો ભમરિયાળો ભાલો!
હો વણઝારા રે, એ તો દારૂડામાં ડૂલ્યો;
હોવે હોવે, એ તો દારૂડામાં ડૂલ્યો!
હો વણઝારા રે, તારે લાખેની છે પોઠ્યો;
હોવે હોવે, તારે લાખોની છે પોઠ્યો!
હો વણઝારા રે, એ તો દારૂડામાં ડૂલ્યો;
હોવે હોવે, એ તો દારૂડામાં ડૂલ્યો!
હો વણઝારા રે, તારે કેડ્યોના કંદોરા;
હોવે હોવે, તારે કેડ્યોના કંદોરા!
હો વણઝારા રે, એ તો દારૂડામાં ડૂલ્યો;
હોવે હોવે, એ તો દારૂડામાં ડૂલ્યો!
હો વણઝારા રે, તારે સીતા શી વણઝારી;
હોવે હોવે, એ તારે સીતા શી વણઝારી!
હો વણઝારા રે, એ તો દારૂડામાં ડૂલ્યો;
હોવે હોવે, એ તો દારૂડામાં ડૂલ્યો!
હો વણઝારા રે, તારા પગોનાં ઝાંઝરિયાં;
હોવે હોવે, તારા પગોનાં ઝાંઝરિયાં!
હો વણઝારા રે, એ તો દારૂડામાં ડૂલ્યાં;
હોવે હોવે, એ તો દારૂડામાં ડૂલ્યાં!
હો વણઝારા રે, તારે સવા લાખનો સાફો;
હોવે હોવે, તારે સવા લાખનો સાફો!
હે વણઝારા રે, એ તો દારૂડામાં ડૂલ્યો;
હોવે, હોવે, એ તો દારૂડામાં ડૂલ્યો!
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 5)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કાળીદાસ મોઢા, ભાઈલાલ એન. પટેલ.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968