રેખ્તા
હિન્દવી
સૂફીનામા
રાજસ્થાની
લટકે હાલોજી
latke haloji
લટકે હાલોજી
latke haloji
લટકે હાલો ને નંદલાલ
હે જી તારા લટકાનું નહિ મૂલ
લટકે હાલો ને.
ઊજળા મંગાવું રૂડા ચોખલાને
તેની રે રંધાવું હું ખીર
લટકે હાલો ને.
પ્રરથમ જમાડું પિયુ પાતળોને
મારી સગી નણંદીનો વીર
લટકે હાલો ને.
પ્રરથમ જમાડું પિયુ પાતળોને
પછી રે જમાડું મારો વીર
લટકે હાલો ને.
દૂધના વરસાવું રૂડા મેહુલાને
મારે આંગણે રેલમછેલ
લટકે હાલો ને.
આંગણે વવરાવું લવંગ એલચીને
તારે ટોડલે નાગરવેલ
લટકે હાલો ને.
લટકે હાલો ને નંદલાલ
હે જી તારા લટકાનું નહિ મૂલ
લટકે હાલો ને.
સ્રોત
- પુસ્તક : ચાંદો ઊગ્યો ચોકમાં (પૃષ્ઠ ક્રમાંક 3)
- સંપાદક : દોલત ભટ્ટ
- પ્રકાશક : ગુજરાત સાહિત્ય અકાદમી
- વર્ષ : 1988