રેખ્તા
હિન્દવી
સૂફીનામા
રાજસ્થાની
કારતક કેમ જાશે વાલા રે?
kartak kem jashe wala re?
કારતક કેમ જાશે વાલા રે?
kartak kem jashe wala re?
કારતક કેમ જાશે વાલા રે?
મહીનો દાણી કોણ થાશે રે .....જમના જવાદો પાણી રે!
માગરશ મકરની રાતુ રે!
વાલા મારે મેલા મધુવાટે રે .....જમના જવાદો પાણી રે!
પોસે સોસ પડા અમને રે!
પ્રભુજી શું કહીયે તમને રે? .....જમના જવાદો પાણી રે!
માહે મન મારૂ મોહ્યું રે!
શામળીયે સનમુખ જોયું રે! .....જમના જવાદો પાણી રે!
ફાગણ ફેર ફેર હોળી રે!
ચૂંદડી મારી કેસુડે રોલી રે! .....જમના જવાદો પાણી રે!
ચૈત્રે ચીંત કરતો ચાળા રે!
ઘેર આવો મીઠી મોરલીવાલા રે! .....જમના જવાદો પાણી રે!
વૈશક વાવલીયા વાયા રે!
ગોરી તારો નવહલીયો નવો રે! .....જમના જવાદો પાણી રે!
જેઠે જુગજીવન નાવ્યા રે!
સંદેશો કોઈ ન લાવ્યા રે! .....જમના જવાદો પાણી રે!
અસાડી મોરલીયા બોલે રે!
પ્રભુજી તે ના બેતમ તોલે રે! .....જમના જવાદો પાણી રે!
શ્રાવણ સરવડીયે વરસે રે!
વાલો મારો મથુરા જઈ વસે રે! .....જમના જવાદો પાણી રે!
સ્રોત
- પુસ્તક : ગુજરાતી લોકસાહિત્યમાળા – મણકો– ૩ (પૃષ્ઠ ક્રમાંક 104)
- સંપાદક : ગુજરાત લોકસાહિત્ય સમિતિ (ધૂમકેતુ, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, કનૈયાલાલ જોશી.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1963