રેખ્તા
હિન્દવી
સૂફીનામા
રાજસ્થાની
પોરી તું કાં ગેઈલી મધરાત
pori tun kan geili madhrat
પોરી તું કાં ગેઈલી મધરાત
pori tun kan geili madhrat
પોરી તું કાં ગેઈલી મધરાત રે,
પોઈ રે રડીને કાઢી રાત.
પોઈ રે રડીને કાઢી રાત રે,
કાકીના બારણમાં બોરડી.
કાકીના બારણામાં બોરડી રે,
હું તો બોર ખાવા જેઈલી.
હું તો બોર ખાવા જેઈલી રે,
સારી ડાળી જોઈ ચડી.
સારી ડાળી જોઈ ચડી રે,
ડાળી કડાક દઈ બોલી.
ડાળી કડાક દઈ બોલી રે,
હું તો ભદાક દઈ પડી.
હું તો ભદાક દઈ પડી રે,
કાકી સીધવો લઈ દોડી.
કાકી સીધવો લઈ દોડી રે,
હું તો જીવ લઈને નાઠી!
સ્રોત
- પુસ્તક : ગુજરાતી લોકસાહિત્યમાળા – મણકો–1 (પૃષ્ઠ ક્રમાંક 93)
- સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1957