રેખ્તા
હિન્દવી
સૂફીનામા
રાજસ્થાની
મહિયારી
mahiyari
સો મણ ઘઉં લઈ સોવા બેઠી, એક જ કાંકરો કાઢ્યો લાલ;
મારું નામ મૈયારી લાલ; શામળિયા!
સો મણ ઘઉં લઈ દળવા બેઠી, પલકમાં દળી કાઢ્યા,
મારું નામ મૈયારી લાલ; શામળિયા!
સો મળ લોટનો લચકો બાંધ્યો, એકલડીએ ટટકાર્યો લાલ,
મારું નામ મૈયારી લાલ; શામળિયા!
સો મણ લોટનું ચૂરમું કીધું, એકલડીએ ટટકાર્યું લાલ,
મારું નામ મૈયારી લાલ; શામળિયા!
સો મણ લોટનો ઢેબો બનાવ્યો, એકલડીએ ટટકાર્યો લાલ,
મારું નામ મૈયારી લાલ; શામળિયા!
સો મણ લોટનો શેરો શેકાવ્યો, એકલડીએ ટટકાર્યો લાલ;
મારું નામ મૈયારી લાલ; શામળિયા!
સો મણ લોટની થુલી બનાવી, એકલડીએ ટટકારી લાલ,
મારું નામ મૈયારી લાલ; શામળિયા!
સો મણ લોટના રોટલા ઘડ્યા, રોટલા કૂતરે નીર્યા લાલ,
મારું નામ મૈયારી લાલ; શામળિયા!
આ ગીત વિરમગામ તાલુકાના કરકથળ ગામના રતનબહેન પાસેથી મળેલ છે.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 144)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, પુરષોત્તમ સોલંકી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968