રેખ્તા
હિન્દવી
સૂફીનામા
રાજસ્થાની
ગોપીની વિનંતી
gopini winanti
ગોપીની વિનંતી
gopini winanti
હાં રે, મથુરાના મો’લે મારે આવજો,
હાં રે, મુને અબળાને લાડ લડાવજો;
હાં રે, મથુરાના મો’લે મારે આવજો.
હાં રે, વા’લા, તમ વિના જઈ શું કરું?
હાં રે, વીખડા તે ખાઈને હું મરું :
હાં રે, મથુરાના મો’લે મારે આવજો.
હાં રે, વન જાતાં તે સંશેય સૌ કરે,
હાં રે ગાયો તો કૃષ્ણ કઈ ભાંભરે;
હાં રે, મથુરાના મો’લે મારે આવજો.
હાં રે, ગોપી વ્યાકુળ થઈને વનમાં ફરે,
હાં રે, એને નેણે તો અસાડો મે ઝરે;
હાં રે, મથુરાના મો’લે મારે આવજો.
હાં રે, ભેટ્યો કાનુડો ને પામી હું સુખડાં,
હાં રે, વા’લા, તમ દરશને જાય એમ દુ:ખડા;
હાં રે, મથુરાના મો’લે મારે આવજો.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 292)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, કંચન જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968