બેડલિયાં

હાં હાં ઘડુલિયા ચડાવ્યને ગિરધારી,

ઘરે વાટ્યું જુએ છે મા મોરી રે

બેડલિયાં ચડાવ્યને ગિરધારી,

તારો માથાનો અંબોડો રે હો વ્રજનારી,

જાણે છૂટ્યો તેજી ઘોડે રે – બેડલિયાંo

તારી આંખનો ઉલાળો રે હો વ્રજનારી,

જાણે છૂટ્યો તેજી ઘોડો રે – બેડલિયાંo

તારી નાકડિયાની દાંડી રે હો વ્રજનારી,

જાણે દીવડીએ શગ માંડી રે – બેડલિયાંo

તારી હાથની કળાયું રે હો વ્રજનારી,

જાણે સોનાની શરણાયું રે – બેડલિયાંo

તારી હાથની રે હો વ્રજનારી,

જાણે બાવલપરની થાળી રે – બેડલિયાંo

તારા હાથની આંગળિયું રે હો વ્રજનારી,

જાણે ચોળા મગની ફળિયું રે – બેડલિયાંo

તારા પેટડિયાનો ફાંદો રે હો વ્રજનારી,

જાણે પૂનમ કેરો ચાંદો રે – બેડલિયાંo

તારા વાંસોનો વળાકો રે હો વ્રજનારી,

જાણે સરપનો સળાકો રે – બેડલિયાંo

beDaliyan