હું તો ઢોલે રમું ને...

હું તો ઢોલે રમું ને હરિ સાંભરે રે,

મારાં મનડાં ઉદાસી થાય રે,

ઢોલે રમું ને હરિ સાંભરે રે.

હું તો દાતણ કરું ને હરિ સાંભરે રે,

મારાં દાતણિયાં પડી પડી જાય રે. —ઢોલે.

હું તો નાવણુ કરું ને હરિ સાંભરે રે,

મારી કૂંડિયું ઢળી ઢળી જાય રે .—ઢોલે.

હું તો ભોજન કરું ને હરિ સાંભરે રે,

મારા કોળિયા ઢળી ઢળી જાય રે. —ઢોલે.

હું તો મુખવાસ કરું ને હરિ સાંભરે રે,

મારી એળચિયું ઢળી ઢળી જાય રે. —ઢોલે.

હું તો પોઢણ કરું ને હરિ સાંભરે રે,

મારી સેજડી ઢળી ઢળી જાય રે. —ઢોલે.

hun to Dhole ramun ne