રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
તું જતાં
tun jatan
બાલમુકુન્દ દવે
બાલમુકુન્દ દવે
[સદ્ગત પત્નીને]
પ્રજળી કજળી ગઈ ચિતા,
ઉર બીજી સળગી સદાયની!
જલશે જીવતાં લગીય રે
સપનોનું સમશાન જિંદગી!
દિન સૌ ભડકા છ આગના!
રજની સૌ ઢગલા છ ખાખના!
વિધિના વસમા છ વાયરા!
પ્રિય! આશાઅવસાન જિંદગી!
પગમાં નવ હો ઉપાન, ને
ધખતી હોય ધરા જ ધોમથી,
જલ હોય ન જોજનો લગી,
ઊડતી હોય જ આગ કંઠથી;-
તન ને મન ને તપાવતો
ત્યમ હું એકલ જાઉં રે ધપ્યો!
ભવનો પથ આ પ્રલંબ રે
અણખૂટ્યો, પણ ખેડવો રહ્યો!
કરચો સહુ એકઠી કરી,
સપનોની ગઠડી શિરે ધરી,
કદમે કદમે તને સ્મરી,
કરતો કૂચ મુકામની ભણી!
(૯-૧૦-૪૭)
સ્રોત
- પુસ્તક : પરિક્રમા (પૃષ્ઠ ક્રમાંક 103)
- સર્જક : બાલમુકુન્દ દવે
- પ્રકાશક : વોરા એન્ડ કંપની
- વર્ષ : 1991
- આવૃત્તિ : પુનર્મુદ્રણ