રેખ્તા
હિન્દવી
સૂફીનામા
રાજસ્થાની
યુદ્ધના ઘાવ
yuddhna ghaw
આત્મારામ ડોડિયા
આત્મારામ ડોડિયા
યુદ્ધનો તો અંત આવ્યો પણ બધું બિસ્માર ત્યાં
રાખમાંથી શોધવાની છે નવી સવાર ત્યાં
ઘાવ એવા યુદ્ધના કે શક્યતા એ પણ ખરી
કોઇની પાસે કદાચિત હોય ના ઉપચાર ત્યાં
કોણ લાવી આપશે પિતા પતિ કે પુત્રને?
ચીસ જે મુંગી હતી તે પાડશે પોકાર ત્યાં
યુદ્ધને ટાળી શકાયું હોત પણ તે ના બન્યું
યુદ્ધનો વિરોધ કરનારાય ગુનેગાર ત્યાં
શોધકર્તાઓય દુ:ખી શસ્ત્રના ઉપયોગથી
ના કહી શકાય પીડા એટલા લાચાર ત્યાં
સ્રોત
- પુસ્તક : શ્વાસ અને નિઃશ્વાસની વચ્ચે
- સર્જક : Aatmaram Dodiya
- વર્ષ : 2022