રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
વરસાદમાં
warsadman
દીપક બારડોલીકર
દીપક બારડોલીકર
વાહ, શી જાદુગરી વરસાદમાં
ઝરણુંયે લાગે નદી વરસાદમાં
એમ એ હસતી રહી વરસાદમાં
જાણે કી જલપરી વરસાદમાં
ભીંજવે છે સાંવરી વરસાદમાં
જિંદગી છે જિંદગી વરસાદમાં
હુંય જળબંબોળ-શો ફરતો હતો
એય પલળી ગૈ હતી વરસાદમાં
મારું ઘર પણ ક્યાં સલામત છે હવે
એનીયે ડૂબી ગલી વરસાદમાં
કાપલી ‘દીપક’ જે ખોવાઈ હતી
વોકળે તરતી મળી વરસાદમાં
સ્રોત
- પુસ્તક : કુલ્લિયાતે દીપક (પૃષ્ઠ ક્રમાંક 56)
- સર્જક : દીપક બારડોલીકર
- પ્રકાશક : પોતે
- વર્ષ : 2007