રેખ્તા
હિન્દવી
સૂફીનામા
રાજસ્થાની
વખતો વખત
wakhto wakhat
પથિક પરમાર
પથિક પરમાર
છે અચંભાથી ભરેલું આ જગત,
નાત-જાતોનાં અહીં ભેદો સખત.
કોઈ ઊંચો કોઈ નીચો કઈ રીતે?
આખરે છે વારસાગત આ રમત.
બંગલાને ઝૂંપડાથી વેર છે,
યુદ્ધ બસ ચાલ્યા કરે વખતોવખત.
ગામ ચોખ્ખું રાખવાની ભેખમાં,
કર્મના અર્થો થયા કેવા ગલત?
વર્ણ-વ્યવસ્થાનો હેતું ક્યાં સર્યો?
બસ મળ્યા છે ભેદભાવો કારગત
ઝેર ક્યમ અસ્પૃશ્યતાનું ઊતરે?
બોલ, ગઝલો હું નકર શાને લખત?
સ્રોત
- પુસ્તક : બહિષ્કૃત (પૃષ્ઠ ક્રમાંક 48)
- સર્જક : પથિક પરમાર
- પ્રકાશક : ગુજરાત દલિત સાહિત્ય અકાદમી
- વર્ષ : 2003