શું અચાનક સાંભર્યુ છે કોઈનું હોવાપણું

શું અચાનક સાંભર્યુ છે કોઈનું હોવાપણું

કેમ અણધાર્યુ સતાવે છે મને સંભારણું.

શક્યતા ના હો છતાં પણ સાંભરું છું હું કદી?

યાદ આવે છે તને આભાસી ઘરનું આંગણું?

ઓ પ્રવાસી! આવી એકલતા કદી સાલી નથી

હું દીવાલે લીંટીઓ દોરી, નિસાસાઓ ગણું.

એકધારું આજ તો વરસ્યા છે ગુલમ્હોરો અહીં

એક શ્વાસે આજ તો હું પી ગયો છું પણ ઘણું.

કોઈ વીતેલો દિવસ જો સાંભરે તો આવજે

સાવ રસ્તામાં જ છે છોડી દીધેલું પરગણું.

સાવ સીધી વાત છે તારા સવાલોની વ્યથા

એક ઊંડું દર્દ જે વ્હોરી લીધું છે આપણું.

આજ લાગે છે કે થોડી હૂંફ હોવી જોઈએ

ચાલ ‘મેહુલ’ ઘર જલાવીને કરીએ તાપણું.

shun achanak sambharyu chhe koinun howapanun