રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
એ પછીઃ પ
e pachhi pa
જવાહર બક્ષી
જવાહર બક્ષી
તારા વિરહના શહેરનો વિચિત્ર ન્યાય છે
દીવો કર્યા પછી જ તિમિરને ગવાય છે
લઈ જાઉં કઈ રીતે મને તારા શહેરમાં?
ઘરમાંથી બ્હાર આવતાં થાકી જવાય છે
ઉત્સવ સમું આ શું હશે તારા અભાવમાં?
દરરોજ મારી આંખમાં મેળો ભરાય છે
એકાંત, મૌન, શૂન્યતા, અંધારું કે સ્વયમ્
આ કોના ડરથી જોરથી વાતો કરાય છે?
અસ્પષ્ટતા ન જોઈએ તો તું જ પાસ આવ
મારો અવાજ શાહીમાં ખરડાઈ જાય છે
સ્રોત
- પુસ્તક : તારાપણાના શહેરમાં (પૃષ્ઠ ક્રમાંક 57)
- સર્જક : જવાહર બક્ષી
- પ્રકાશક : વિશાલ પબ્લિકેશન
- વર્ષ : 1999