વિરહની રાતનું વર્ણન જરા રહો તો કહું

વિરહની રાતનું વર્ણન જરા રહો તો કહું,

કહું, જે હોય છે આલમ તમે ન હો તો, કહું.

અમે જ ચાંદની માગી, અમે જ કંટાળ્યા,

તમોને ભેદ એ જો અંધકાર હો તો કહું.

વ્યથાનું હોય છે કેવું સ્વરૂપ, કેવી ગતિ?

થીજેલા ઊર્મિતરંગો, જરા વહો તો કહું.

તમે જ યાદ અપાવ્યાં મને સ્મરણ જૂનાં,

ફરી એ વાત પુરાણી તમે કહો તો કહું.

ગઈ બતાવી ઘણાં યે રહસ્ય, બેહોશી,

સમજવા જેટલા બાકી જો હોશ હો તો કહું.

virahnii raatnu varnan jaraa raho to kahun