રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
હૃદય બાગ-બાગ છે
hriday bag bag chhe
ઓજસ પાલનપુરી
ઓજસ પાલનપુરી
અંતરમાં રાગ છે ને નયનમાં વિરાગ છે,
‘ઓજસ’ દોરંગી દુનિયા પ્રણયનો દિમાગ છે.
વિરહી હૃદય મિલનમાં વિચારે છે એ જ વાત,
મરવાને માટે હમણાં બહુ સારો લાગ છે.
આ મૌન મારું જોઈને ભૂલો ન, દોસ્તો!
આજેય દિલના દર્દની દુનિયા સજાગ છે.
સંપૂર્ણતાએ પ્હોંચી નથી ત્યાગ-ભાવના,
વૈરાગ્ય પર હૃદયને અત્યારેય રાગ છે.
પાલવનો છાંયડો હો કે મૃત્યુની ગોદ હો,
બળતા હૃદયને એક શીતળતાની આગ છે.
‘ઓજસ’, એ આજ મારી કને હોવા જોઈએ,
નહિતર શું વાત છે કે હૃદય બાગબાગ છે.
સ્રોત
- પુસ્તક : મધુવન (પૃષ્ઠ ક્રમાંક 63)
- સંપાદક : હરીન્દ્ર દવે
- પ્રકાશક : પ્રવીણ પ્રકાશન, રાજકોટ
- વર્ષ : 2002
- આવૃત્તિ : 4