રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
એ પછી : ર - પ્રોષિતભર્તૃકા ગઝલ
e pachhi ha ra proshitbhartrika gajhal
જવાહર બક્ષી
જવાહર બક્ષી
તારા જવાનું જ્યારે મને સાંભરે રે લોલ
આકાશ મારી આંખમાં ટોળે વળે રે લોલ
જે આવવાનો કોલ તેં રોપ્યો હતો અહીં
વડવાઈ થઈને ઝૂલી રહ્યો છે હવે રે લોલ
બે ચાર પગલાં ચાલું જો હું તારી યાદમાં
એકલતા રસ્તો થઈ મને સામી મળે રે લોલ
તારા વિનાનો મારો આ ભીનો ઉજાગરો
કૂવાની જેમ અર્ધો ભરેલો રહે રે લોલ
પરદેશીનું સ્મરણ તો ફક્ત આજની જ હૂંફ
કાલે ફરી બરફના સૂરજ ઊગશે રે લોલ
સ્રોત
- પુસ્તક : તારાપણાના શહેરમાં (પૃષ્ઠ ક્રમાંક 54)
- સર્જક : જવાહર બક્ષી
- પ્રકાશક : વિશાલ પબ્લિકેશન
- વર્ષ : 1999