મને દરરોજ દર્પણ અવનવા પડકાર આપે છે
mane darroj darpan avnavaa padkaar aape chhe


મને દરરોજ દર્પણ અવનવા પડકાર આપે છે,
ખરેખર એ જ તો હોવાપણાંને સાર આપે છે.
સતત ચારે તરફથી કોણ માપે છે ને કાપે છે?
મને મારી જ ભીતર કોઈ નવો આકાર આપે છે.
ઉતારી હુંપણાને પ્હેર્યું મેં તારાપણું જ્યારે
નજર મારી હવે સૌ દૃશ્યને શણગાર આપે છે.
અહીં હરએક માણસ વારતા લઈને ફરે ખુદની,
બધાને ક્યાં કદી એ કોઈ સાંભળનાર આપે છે!
સવારે આંખ ખૂલી તો ઉઠાયું ના પથાારીથી
ફકત એક સ્વપ્ન પણ કેવો ગજબનો ભાર આપે છે!
શરત છે વીજળી ચમકે; તરત મોતી પરોવી દો,
સમય આપે છે તક નક્કી, ભલે ક્ષણવાર આપે છે.
ભરું છું શ્વાસમાં અહેસાસ એનો એ રીતે 'રોશન',
સતત અસ્તિત્વને જાણે કે એ નિર્ધાર આપે છે.
mane darroj darpan awanwa paDkar aape chhe,
kharekhar e ja to howapnanne sar aape chhe
satat chare taraphthi kon mape chhe ne kape chhe?
mane mari ja bhitar koi nawo akar aape chhe
utari humpnane pheryun mein tarapanun jyare
najar mari hwe sau drishyne shangar aape chhe
ahin harek manas warta laine phare khudni,
badhane kyan kadi e koi sambhalnar aape chhe!
saware aankh khuli to uthayun na pathaarithi
phakat ek swapn pan kewo gajabno bhaar aape chhe!
sharat chhe wijli chamke; tarat moti parowi do,
samay aape chhe tak nakki, bhale kshanwar aape chhe
bharun chhun shwasman ahesas eno e rite roshan,
satat astitwne jane ke e nirdhar aape chhe
mane darroj darpan awanwa paDkar aape chhe,
kharekhar e ja to howapnanne sar aape chhe
satat chare taraphthi kon mape chhe ne kape chhe?
mane mari ja bhitar koi nawo akar aape chhe
utari humpnane pheryun mein tarapanun jyare
najar mari hwe sau drishyne shangar aape chhe
ahin harek manas warta laine phare khudni,
badhane kyan kadi e koi sambhalnar aape chhe!
saware aankh khuli to uthayun na pathaarithi
phakat ek swapn pan kewo gajabno bhaar aape chhe!
sharat chhe wijli chamke; tarat moti parowi do,
samay aape chhe tak nakki, bhale kshanwar aape chhe
bharun chhun shwasman ahesas eno e rite roshan,
satat astitwne jane ke e nirdhar aape chhe



સ્રોત
- પુસ્તક : પરબ : જુલાઈ ૨૦૨૩ (પૃષ્ઠ ક્રમાંક 18)
- સંપાદક : ભરત મહેતા
- પ્રકાશક : ગુજરાતી સાહિત્ય પરિષદ