રેખ્તા
હિન્દવી
સૂફીનામા
રાજસ્થાની
પગલાં સૂંઘતો
paglan sunghto
દીપક બારડોલીકર
દીપક બારડોલીકર
આવ્યો પગલાં સૂંઘતો પરદેશમાં
યાદનો એક કાફલો પરદેશમાં
છે હજી ખ્યાલોમાં કોઈનું લલાટ
છે હજી એક ચાંદલો પરદેશમાં
પ્રેમ પણ થીજીને થીકરાઈ ગયો
હું ફરું છું એકલો પરદેશમાં
હોય છે દિવસે ન અમને હોશ પણ
સાંજે ફફડે હંસલો પરદેશમાં
બર્ફવર્ષા થૈ ચે એવી મ્હેરબાન
દીઠો ઊજળો કાગડો પરદેશમાં
દોસ્ત, તું પહેરી લે ઝભ્ભો ધર્મનો
લૂટનો છે લાડવો પરદેશમાં
બેઈમાની યાદ આવી ગૈ ફરી
બેઈમાનો સેંકડો પરદેશમાં
કોઈને શું કામ ‘દીપક’ ખુદ મને
હું રહ્યો છું ઢૂંઢતો પરદેશમાં
સ્રોત
- પુસ્તક : કુલ્લિયાતે દીપક (પૃષ્ઠ ક્રમાંક 96)
- સર્જક : દીપક બારડોલીકર
- પ્રકાશક : પોતે
- વર્ષ : 2007