વારતા પૂરી થઈ

વારતા પૂરી થઈ

કોરા કાગળમાં વહેલી વારતા પૂરી થઈ.

આખરે લ્યો, નહિ લખેલી વારતા પૂરી થઈ.

લોકના હોઠે હજુ ચાલ્યા કરે છે ક્યારની,

ચાર હોઠે વિસ્તરેલી વારતા પૂરી થઈ.

તોપના રસ્તા બધાએ મઘમઘી ઊઠશે હવે,

રાજકુંવરીએ કહેલી વારતા પૂરી થઈ.

દોસ્ત દસ માથાંઓ છાતી ઠોકતાં ઊભાં રહ્યાં,

રામને શરણે થયેલી વારતા પૂરી થઈ.

એક પ્રકરણ છાતીમાં અટકી ગયું છે, શું કરું?

જાત સોંસરવી ગયેલી વારતા પૂરી થઈ.

warta puri thai