રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પોટાશ જેવો આજનો આ વર્તમાન છે
potash jewo aajno aa wartaman chhe
અશોકપુરી ગોસ્વામી
અશોકપુરી ગોસ્વામી
પોટાશ જેવો આજનો આ વર્તમાન છે,
—ને કમનસીબે આપણી રૂની દુકાન છે.
સંભવ નથી કે ઘર હવે તારું બચી શકે,
ભડકે બળેલી શેરીમાં તારું મકાન છે.
તારા વિશે તું સાવ બેફિકર કાં થઈ ગયો?
ઈલાજ કર પાગલ થયેલાં આંખકાન છે.
દંગલ કરીને દોસ્ત તું છટકી નહીં શકે,
મારી ગઝલનો દેહ જો લોહીલુહાણ છે.
અલ્લાહ છે મલ્લાહ આ તૂટેલી નાવનો,
સોંપી દીધેલું આપણે એને સુકાન છે.
સ્રોત
- પુસ્તક : અર્થાત્ (પૃષ્ઠ ક્રમાંક 33)
- સર્જક : અશોકપુરી ગોસ્વામી
- પ્રકાશક : કવિલોક પ્રકાશન
- વર્ષ : 1990