ખાલી જીવતર છલકાવે છે એનાથી મોટી વાત કઈ?

ખાલી જીવતર છલકાવે છે એનાથી મોટી વાત કઈ?

કોઈ તમને બહુ ચાહે છે એનાથી મોટી વાત કઈ?

પહેલા વહેલા વરસાદ સમું કોઈ વરસે છે ઝરમર ઝરમર

ને ભીની ખુશ્બૂ લાવે છે એનાથી મોટી વાત કઈ?

પ્રગટ્યું છે ધુમ્મસ ચારેબાજુ ને ધુમ્મસના આ ઘરમાં,

તું તડકો થઇને આવે છે એનાથી મોટી વાત કઈ?

મરવાની વાતો કરનારા બે ઘડી તમારી સંગ રહી,

હવે મબલખ જીવવા માગે છે એનાથી મોટી વાત કઈ?

મારાથી ઉત્તમ કેટકેટલા શાયર છે ને તેમ છતાં,

તું મારી ગઝલો વાંચે છે એનાથી મોટી વાત કઈ?

khali jiwtar chhalkawe chhe enathi moti wat kai?