તું ભલે માને, મને છોડી, કશું ખોતી નથી

તું ભલે માને, મને છોડી, કશું ખોતી નથી

વૃક્ષ કાપ્યાની ક્ષણે ડાળી કદી રોતી નથી.

આંસુઓનાં રંગબેરંગી ધનુષ્યો થાય છે

૫ણ, જનારાની નજર એવું કશું જોતી નથી.

દોષ મારા જોઈને તું પણ ભલે પડતી અલગ

ચાંદની અંધારને ક્યારેય તે ધોતી નથી.

એ ક્ષણોની માવજત કરવી ઘણી અઘરી પડે

જે ક્ષણે હું હોઉં છું ને તું કશે હોતી નથી.

હદ કરે છે તુંય તે 'ઇર્શાદ' મરજીવો બની

પ્રેમ પારાવારમાં એક્કેયે તે મોતી નથી.

Tu Bhale Mane, Mane Chhodi, Kashu Khoti Nathi