રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
તો હું વારતા કહું
to hun warta kahun
ભાગ્યેશ જહા
ભાગ્યેશ જહા
સમજણની ધાર કાઢ, તો, હું વારતા કહું,
મનનો તું ખોલ, માઢ, તો હું વારતા કહું.
આ મૌનના નગરના રસ્તા છે અટપટા,
ભાષાને દુઃખે દાઢ, તો, હું વારતા કહું.
ઊગી ગયું છે ઘાસ, કારણ વિના કશા,
કારણ વિના, તું વાઢ, તો, હું વારતા કહું.
આખું નગર દોડી રહ્યું એક જ દિશા તરફ,
અફવા બને, જો, ગાઢ, તો, હું વારતા કહું.
સૂરજ અમારા ગામનો, પોતાથી પીગળ્યો,
લાગે તને, જો, ટાઢ, તો હું વારતા કહું.
સ્રોત
- પુસ્તક : ગુજરાતી કવિતાચયન 2013 (પૃષ્ઠ ક્રમાંક 69)
- સંપાદક : પ્રવીણ પંડ્યા
- પ્રકાશક : ગુજરાતી સાહિત્ય પરિષદ
- વર્ષ : 2015