તમારી યાદમાં મુજને જીવન ભાસ્યું જીવન જેવું
tamari yaadoma jivan bhasyu mane jivan jevu


તમારી યાદમાં મુજને જીવન ભાસ્યું જીવન જેવું,
વૃથા ઉત્પાત પરવારી અમન પામ્યો અમન જેવું.
મળી નજરોથી નજરો ત્યાં જ દુનિયા દિલની પલટી ગઈ,
ભરેલું છે તમારી આંખમાં શું સંવનન જેવું.
યદિ મારી નજર સામે તમે છો તો બધું યે છે,
તમારા વિણ મને આ વિશ્વ લાગે છે વિજન જેવું.
ફક્ત એક દિલ હતું તે પણ તમારું થઈ ગયું ચાહક,
રહ્યું ના કોઈપણ મારું હવે વિશ્વે સ્વજન જેવું.
વિતાવી આગમન–આશા મહીં રાતોની રાતો મેં,
છતાં દર્શન તો દર્શન, પણ ન દીઠું કૈં સ્વપ્ન જેવું.
તમોને દિલ તો શું અસ્તિત્વ પણ અર્પણ કરી દીધું,
હવે મુજ પાસ ક્યાં છે કંઈ મરણ જેવું જીવન જેવું.
તમારે દ્વાર આવીને અહર્નિશ એ જ યાચું છું,
પ્રણય–ગુણગાન ગાવાને કવન આપો કવન જેવું.
છુપાયેલી મઝા છે ઓ ‘ખલીલ’! એની વ્યથા માંહે,
નથી હોતું પ્રણયમાં કંઈ દરદ, દુઃખ કે દમન જેવું.
tamari yadman mujne jiwan bhasyun jiwan jewun,
writha utpat parwari aman pamyo aman jewun
mali najrothi najro tyan ja duniya dilni palti gai,
bharelun chhe tamari ankhman shun sanwnan jewun
yadi mari najar same tame chho to badhun ye chhe,
tamara win mane aa wishw lage chhe wijan jewun
phakt ek dil hatun te pan tamarun thai gayun chahak,
rahyun na koipan marun hwe wishwe swajan jewun
witawi agaman–asha mahin ratoni rato mein,
chhatan darshan to darshan, pan na dithun kain swapn jewun
tamone dil to shun astitw pan arpan kari didhun,
hwe muj pas kyan chhe kani maran jewun jiwan jewun
tamare dwar awine aharnish e ja yachun chhun,
prnay–gungan gawane kawan aapo kawan jewun
chhupayeli majha chhe o ‘khalil’! eni wyatha manhe,
nathi hotun pranayman kani darad, dukha ke daman jewun
tamari yadman mujne jiwan bhasyun jiwan jewun,
writha utpat parwari aman pamyo aman jewun
mali najrothi najro tyan ja duniya dilni palti gai,
bharelun chhe tamari ankhman shun sanwnan jewun
yadi mari najar same tame chho to badhun ye chhe,
tamara win mane aa wishw lage chhe wijan jewun
phakt ek dil hatun te pan tamarun thai gayun chahak,
rahyun na koipan marun hwe wishwe swajan jewun
witawi agaman–asha mahin ratoni rato mein,
chhatan darshan to darshan, pan na dithun kain swapn jewun
tamone dil to shun astitw pan arpan kari didhun,
hwe muj pas kyan chhe kani maran jewun jiwan jewun
tamare dwar awine aharnish e ja yachun chhun,
prnay–gungan gawane kawan aapo kawan jewun
chhupayeli majha chhe o ‘khalil’! eni wyatha manhe,
nathi hotun pranayman kani darad, dukha ke daman jewun



સ્રોત
- પુસ્તક : ગુજરાતી પ્રતિનિધિ ગઝલો (પૃષ્ઠ ક્રમાંક 30)
- સંપાદક : ચિનુ મોદી
- પ્રકાશક : સાહિત્ય અકાદેમી
- વર્ષ : 2008