રેખ્તા
હિન્દવી
સૂફીનામા
રાજસ્થાની
તળેટી સુધી ચાલ ગઝલ
taleti sudhi chaal gajhal
રાજેન્દ્ર શુક્લ
રાજેન્દ્ર શુક્લ
ગુલમ્હોર તળે મૌન ટહૂકંત રોજ રોજ હશે,
દેખાય, ન દેખાય ભલે, બાજુમાં મનોજ* હશે.
માહૌલ હશે, મ્હેક હશે, ભીનું ભીનું ઓજ હશે,
દેખાય, ન દેખાય ભલે, બાજુમાં મનોજ હશે.
ઘેરાય ઉપરકોટ ને ફરતી સ્મરણની ફોજ હશે,
દેખાય, ન દેખાય ભલે, બાજુમાં મનોજ હશે.
ગિરનાર ચડ્યે પાંખને પીંછા સો આછો બોજ હશે,
દેખાય, ન દેખાય ભલે, બાજુમાં મનોજ હશે.
કરતાલ ને કરતાલ વિષે જબ અલખની ખોજ હશે,
દેખાય, ન દેખાય ભલે, બાજુમાં મનોજ હશે.
તળેટી સુધી ચાલ ગઝલ, ત્યાં પ્રભાતી મોજ હશે,
દેખાય, ન દેખાય, ભલે, બાજુમાં મનોજ હશે.
*મિત્રકવિ મનોજ ખંડેરિયા
સ્રોત
- પુસ્તક : ગઝલ સંહિતા (પૃષ્ઠ ક્રમાંક 105)
- સર્જક : રાજેન્દ્ર શુક્લ
- પ્રકાશક : સહૃદય પ્રકાશન
- વર્ષ : 2005