રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ભારે થયેલા શ્વાસ હવામાં ઉછાળીએ
bhare thayela shwas hawaman uchhaliye
હેમંત ધોરડા
હેમંત ધોરડા
ભારે થયેલા શ્વાસ હવામાં ઉછાળીએ
આંખોમાં ભરીએ આભ તણખલાંઓ ચાવીએ.
ખળખળ વહી જતી પળો કાલે ન પણ મળે
થઈએ ભીના ફરીથી ફરીથી સૂકાઈયે.
ઊગતા સૂરજનો રંગ છે અત્યારે હાથમાં
મુઠ્ઠી ભરી ભરી બધે તડકો ઉડાવીએ.
વાતાવરણમાં ઘુમ્મસી ભીનાશ ઓસની
ટીપાંઓ એકઠાં કરી દૃશ્યો તરાવીએ.
આંગળીઓ એકમેકની ગણીએ ધીમે ધીમે
અંતર ક્ષિતિજ સુધી હજી પગલાંથી માપીએ.
સ્રોત
- પુસ્તક : અણસાર (પૃષ્ઠ ક્રમાંક 1)
- સર્જક : હેમંત ધોરડા
- પ્રકાશક : પોતે
- વર્ષ : 1988