રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

એ રીતે થોડીઘણી રોનક રહી

હેમંત પુણેકર

એ રીતે થોડીઘણી રોનક રહી

હેમંત પુણેકર

Roman

એ રીતે થોડીઘણી રોનક રહી

જિંદગી સાથે સતત ચકમક રહી

પગ પસારી બેસી ગઈ ઘરમાં વ્યથા

જો કદી આવી ખુશી, ઉભડક રહી

એ ટક્યા પણ કંઈ જ બદલી ના શક્યા

જેમની વૃત્તિ સ્થિતિસ્થાપક રહી

ફિટ ન બેઠા કોઈ દૃષ્ટિકોણમાં

જેમની દૃષ્ટિ બહુ વ્યાપક રહી

સંતુલન બારીક માગે છે ગઝલ

દર્દ કહેવાનું છે પણ રોચક રહી

સ્રોત

પુસ્તક : કાગળની નાવ (પૃષ્ઠ ક્રમાંક 9)
સર્જક : હેમંત પુણેકર
પ્રકાશક : Zen Opus
વર્ષ : 2022