રેખ્તા
હિન્દવી
સૂફીનામા
રાજસ્થાની
શું બોલીએ?
shun boliiye?
રમેશ પારેખ
રમેશ પારેખ
શબ્દની બેડી પડી છે જીભમાં, શું બોલીએ?
ને તમે સમજી શકો નહીં મૌનમાં, શું બોલીએ?
બહાર ઊભા હોત તો તસવીરની ચર્ચા કરત
આ અમે ઊભા છીએ તસવીરમાં, શું બોલીએ?
આવડી નહીં ફૂંક ફુગ્ગાઓમાં ભરવાની કલા
બહુ બહુ તે શ્વાસ ભરીએ શ્વાસમાં, શું બોલીએ?
ત્રાજવે તોળ્યા તો એ નખશિખ હલકા નીકળ્યા
શખ્સ-જે રહેતા હતા બહુ ભારમાં, શું બોલીએ?
બોબડી સંવેદના ઉકલી નહીં છેવટ સુધી
એટલે ઢોળાઈ ગઈ આ શાહીમાં, શું બોલીએ?
લોહીમાં પણ એક બે અંગત ખૂણાઓ છે, રમેશ
એ ઊભા છે આપના સત્કારમાં, શું બોલીએ?
સ્રોત
- પુસ્તક : વિતાન સુદ બીજ (પૃષ્ઠ ક્રમાંક 20)
- સર્જક : રમેશ પારેખ
- પ્રકાશક : ગુજરાત સાહિત્ય અકાદમી
- વર્ષ : 1989