રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
તું મને ન શોધ ક્યાંય આસપાસમાં
tun mane na shodh kyanya aspasman
અંકિત ત્રિવેદી
અંકિત ત્રિવેદી
તું મને ન શોધ ક્યાંય આસપાસમાં...
હું તને મળી શકું તારા જ શ્વાસમાં...
ના ભળે સાથે કદી તો ક્યાં ફરક પડે?
સ્વપ્નમાં સાથે હશું કોઈ પ્રવાસમાં...
સૂર્ય જેમ કોઈનામાં હું સવારથી;
અંધકાર શોધતો રહ્યો ઉજાસમાં...
માર્ગમાં કોઈક તો ભૂલું પડ્યું હશે;
નીકળ્યો હશે પછી પવન તપાસમાં...
તું મથામણો કરી ગઝલ લખી તો જો!
હું તને મળી જઈશ કોક પ્રાસમાં...
સ્રોત
- પુસ્તક : મારી પ્રિય ગઝલ (પૃષ્ઠ ક્રમાંક 20)
- સંપાદક : અઝીઝ ટંકારવી
- પ્રકાશક : આર. આર. શેઠની કંપની
- વર્ષ : 2003