રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

મીઠી માલિકની દયા જેવી

અદમ ટંકારવી

મીઠી માલિકની દયા જેવી

અદમ ટંકારવી

Roman

મીઠી માલિકની દયા જેવી

વાત છે ચોખ્ખી દીવા જેવી

શહેરમાં તારા જિન્દગી મારી

ના થવાનું બધું થવા જેવી

આધુનિક થઈ ગઈ આખી દુનિયા

તું રહી ગઈ પરમ્પરા જેવી

કેવું રૂપક અને શાની ઉપમા

એ નથી કોઈ કે કશા જેવી

આંખ મીંચાય ને તું છે અસ્તુ

આંખ ખૂલે ને શ્રી સવા જેવી

આપણું હોવું મરશિયું જાણે

ને હયાતી છે આપણી છાજિયા જેવી

સીધીસાદી ગઝલ લખી દે અદમ

જીવીકાકીની શારદા જેવી

સ્રોત

પુસ્તક : અદમ ટંકારવીની ગઝલોની ચોપડી (પૃષ્ઠ ક્રમાંક 90)
સર્જક : અદમ ટંકારવી
પ્રકાશક : રન્નાદે પ્રકાશન
વર્ષ : 1997