રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

કલ્પનાની રાતભર ઝાંખી હતી

જિતુ ત્રિવેદી

કલ્પનાની રાતભર ઝાંખી હતી

જિતુ ત્રિવેદી

Roman

કલ્પનાની રાતભર ઝાંખી હતી

એક ઘટના જન્મવી બાકી હતી

ત્યાં તમે આવી વસ્યા સંયોગવશ

અર્થ માટે જ્યાં જગા રાખી હતી

વાત કહેવાની ઘણી રીતો હતી

પણ ગઝલ પાસે બધી ઝાંખી હતી

ભૂંસવાનું ક્યાં શીખ્યો છું હું કદી!

મેં લીટી, મારી, અલગ આંકી હતી

સાંધવામાં વ્યર્થ એ વીતી ગઈ

જિંદગી આભાસમય આખી હતી

કૂકડો બોલ્યો અને આંખો ઢળી

આમ તો એ સાંજની થાકી હતી

સ્રોત

પુસ્તક : ઉઘાડી બારી (પૃષ્ઠ ક્રમાંક 29)
સર્જક : જિતુ ત્રિવેદી
પ્રકાશક : પોતે
વર્ષ : 1993