રેખ્તા
હિન્દવી
સૂફીનામા
રાજસ્થાની
સનમની નિગાહ
sanamni nigah
ડાહ્યાભાઈ દેરાસરી
ડાહ્યાભાઈ દેરાસરી
નિગાહ તુજની, અરે! બદમસ્તીમાં હુશિયાર કેવી છે?
અમારું દિલ ચુરાવાને, કહો! તૈયાર કેવી છે?
અદાથી ફેરવી ખંજર ગળા પર, તું પછી કહેતી;
શહીદે નાઝ! બતલાવો કે આમાં ધાર કેવી છે?
જિગર તૂટ્યું રવાના ફાટ્યું જઈને દિલમહીં લાગી;
ગજબનો ઘા કરે ચંચલ, નિગાહે યાર કેવી છે?
ઝબહ કરતી અમોને તું, હસીને પૂછતી પણ તું;
જરા દિલબર! બતાવોને અહા! તલવાર કેવી છે!
સ્રોત
- પુસ્તક : ગુજરાતની ગઝલો (પૃષ્ઠ ક્રમાંક 72)
- સંપાદક : દી.બ. કૃષ્ણલાલ મોહનલાલ ઝવેરી
- પ્રકાશક : સસ્તું સાહિત્ય વર્ધક કાર્યાલય
- વર્ષ : 1942