રેખ્તા ગુજરાતી ઉત્સવ - 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
મળ્યું છે લાગણીનું નોખું જે સરવર
malyun chhe lagNinun nokhun sarovar
સુનીલ શાહ
સુનીલ શાહ
મળ્યું છે લાગણીનું નોખું જે સરવર, ત્યજી દઈએ?
અમે સિદ્ધાર્થ ક્યાં છીએ કે, એવું ઘર ત્યજી દઈએ!
ઘણાને દઈને હડસેલો તમે ઊંચે ગયા છો, દોસ્ત,
અમે તમને ઝૂકીને શું અમારું સ્તર ત્યજી દઈએ?
સુરક્ષા કરવી હો સંબંધની તો એ જરૂરી છે,
કરે જે જખ્મી, એવા શબ્દનું ખંજર ત્યજી દઈએ.
શું મેળવશો આ નફરત, વેર કે ધિક્કાર રાખીને?
ચલો, મનમાં પડેલા એ બધા પથ્થર ત્યજી દઈએ.
તમે સમજો તો બહુ આસાન છે મળવાનું બન્નેનું,
પડ્યું છે બે હૃદય વચ્ચે ઘણું અંતર, ત્યજી દઈએ.
સુકાની થઈને તો આવો અમારા વ્હાણ પર ક્યારેક,
અમે જે ક્યારના પકડી ઊભા લંગર, ત્યજી દઈએ.
સ્રોત
- પુસ્તક : વાદળો વચ્ચે સૂર્યોદય (પૃષ્ઠ ક્રમાંક 7)
- સર્જક : સુનિલ શાહ
- પ્રકાશક : વિજ્યા ગ્રાફિક્સ ઍન્ડ પબ્લિકેશન
- વર્ષ : 2024