રેખ્તા
હિન્દવી
સૂફીનામા
રાજસ્થાની
પારણાં કર્યાં
parnan karyan
સ્નેહી પરમાર
સ્નેહી પરમાર
મારા ને એનાં બેઉનાં મેં પારખાં કર્યાં
પથ્થર મળ્યા તો ઊભા રહી, ચાંદલા કર્યા
બાજુના ઘરને આવી જરા અમથી હેડકી
મારા ઘરે ય રાતભર ઉજાગરા કર્યા
સામે તમે મળ્યાં, ને સમાધાન થઈ ગયું
આંખોએ આંસુઓના હાથે પારણાં કર્યાં
સુખને દીધું છે રમવા હૃદય એ રીતે અમે
બાળકને દઈ રમકડાં, ઘરે આવતાં કર્યાં
પ્રગટી ગઈ જે પીડ તે પસ્તી થઈ ગઈ
અંદર રહી ગઈ તો એણે લાખના કર્યા
જ્ઞાનીઓ જે જગાને નરી બિનનિપજ કહે
કુંભારે તે જ માટીમાંથી માટલાં કર્યાં
સ્રોત
- પુસ્તક : યદા તદા ગઝલ (પૃષ્ઠ ક્રમાંક 24)
- સર્જક : સ્નેહી પરમાર
- પ્રકાશક : રંગદ્વાર પ્રકાશન
- વર્ષ : 2015