રેખ્તા
હિન્દવી
સૂફીનામા
રાજસ્થાની
એમ ચાલ્યા વિના પણ સફર થાય છે
પગ તળેથી જ ધરતી ખસી જાય છે
ગૂંચ જીવનની જ્યારે ઉકેલાય છે
માત્ર દોરા જ હાથોમાં રહી જાય છે
નૌકા જળમાં રહે તો ય જળથી અજાણ
છિદ્ર પડતાં પરિચય થતો જાય છે
માત્ર એક પળ કઠે અહીં કોઈનો અભાવ
બીજી પળથી વિકલ્પો વિચારાય છે
લક્ષ્ય ચૂકી ગયું હો તમારું જે તીર
એ જ શત્રુના ભાથે ઉમેરાય છે
સ્રોત
- પુસ્તક : શબ્દ મારા સ્વભાવમાં જ નથી
- સર્જક : રઈશ મનીઆર
- પ્રકાશક : વિશાલ પ્રકાશન
- વર્ષ : 1998