રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
મસ્તકે પથરાયેલો કણકણ બરફ
mastke pathrayelo kankan baraph
આદિલ મન્સૂરી
આદિલ મન્સૂરી
મસ્તકે પથરાયેલો કણકણ બરફ
એક અલગારી અટૂલો આ તરફ
રાતદિન ઉધરસ છતાં છૂટે નહીં
ઊંડે ઊંડે શબ્દમાં જામેલ કફ
મૌન આંખો કાઢતું સામે ઊભું
કોની હિંમત છે કે ઉચ્ચારે હરફ
સ્પર્શસુખના ફૂલને ભૂલી જજો
શબ્દને કાંટા ઊગ્યા છે ચોતરફ
કાફિયાની ચોતરફ તંગી હતી
એટલે ગણજો ફરકને પણ ફરક.
સ્રોત
- પુસ્તક : મળે ન મળે (પૃષ્ઠ ક્રમાંક 188)
- સર્જક : આદિલ મન્સૂરી
- પ્રકાશક : વોરા ઍન્ડ કંપની
- વર્ષ : 1996