કલ્પનાની રાતભર ઝાંખી હતી

કલ્પનાની રાતભર ઝાંખી હતી

એક ઘટના જન્મવી બાકી હતી

ત્યાં તમે આવી વસ્યા સંયોગવશ

અર્થ માટે જ્યાં જગા રાખી હતી

વાત કહેવાની ઘણી રીતો હતી

પણ ગઝલ પાસે બધી ઝાંખી હતી

ભૂંસવાનું ક્યાં શીખ્યો છું હું કદી!

મેં લીટી, મારી, અલગ આંકી હતી

સાંધવામાં વ્યર્થ એ વીતી ગઈ

જિંદગી આભાસમય આખી હતી

કૂકડો બોલ્યો અને આંખો ઢળી

આમ તો એ સાંજની થાકી હતી

Kalpnani Ratbhar Jhankhi Hati