રેખ્તા
હિન્દવી
સૂફીનામા
રાજસ્થાની
નહિ કરું ગુસ્સો હવે
nahi karun gusso hwe
કૈલાસ પંડિત
કૈલાસ પંડિત
નહિ કરું ગુસ્સો હવે,
હાથ તો છોડો હવે.
ભાર લાગે છે મને,
પાંપણો ઊંચકો હવે.
હા, ભલે મળશું નહીં,
ફોન તો કરજો હવે.
ફૂલ જેવું ક્યાં રહ્યું?
ઘાસને સૂંઘો હવે.
બત્તીઓ જાગી ગઈ,
સૂઈ જશે રસ્તો હવે.
દ્વાર તો અહીંયાં નથી,
ભીંતથી નીકળો હવે.
સ્રોત
- પુસ્તક : ખરાં છો તમે (પૃષ્ઠ ક્રમાંક 27)
- સર્જક : કૈલાસ પંડિત
- પ્રકાશક : આર. આર. શેઠની કંપની
- વર્ષ : 1995