
મને કોઈ નથી જાતું લઈ એની હવેલીમાં,
મૂંઝારો કેમ ના આવે રે! આની આ જ ડેલીમાં?
કથા કાલે કહી'તી તે તમે આજે નહીં કરશો,
નવીનમાં જે મઝા પડશે નહીં પડશે કહેલીમાં.
મને એ બીક લાગે છે ખચિત ઉજાગરો નડશે,
જરા હું આંખ મીંચી લઉં, જરી રજની વધેલીમાં.
ઘણી વેળા રમી છે એ, રમતમાં શું અરે! રમવું?
ન જાણે રસ પડે છે શું? રમત એવી રમેલીમાં.
ન, જાણે જીવ કેવો છે, આ ચંચળ ચંચરીક જેવો!
ઘડી જીવ જાય પેલીમાં, ઘડી જીવ જાય પેલીમાં.
હતું અભિમાન બહુ સૌને, ગયું અભિમાન ક્યાં સૌનું?
ઢળી ગઈ આખી મહેફિલ, એમની આંખો ઢળેલીમાં.
એ, મારા ભાગ્યની સાકી, સુરા દેજે ગમે તેને,
મને કૈં રસ નથી, એવી સુરા બાકી રહેલીમાં.
જીવનમાં રંગ બસ રૈ જાય એવો રંગ ચાહું છું,
બીજા લાખો ભલે રેલાય રંગો રંગરેલીમાં.
મને 'દિલદાર' તારા સમ, મળ્યું ના, કોઈ તારા સમ,
નિખિલ શોધી વળ્યો સૃષ્ટિ હું બ્રહ્માની ઘડેલીમાં.
mane koi nathi jatun lai eni haweliman,
munjharo kem na aawe re! aani aa ja Deliman?
katha kale kahiti te tame aaje nahin karsho,
nawinman je majha paDshe nahin paDshe kaheliman
mane e beek lage chhe khachit ujagro naDshe,
jara hun aankh minchi laun, jari rajni wadheliman
ghani wela rami chhe e, ramatman shun are! ramwun?
na jane ras paDe chhe shun? ramat ewi rameliman
na, jane jeew kewo chhe, aa chanchal chanchrik jewo!
ghaDi jeew jay peliman, ghaDi jeew jay peliman
hatun abhiman bahu saune, gayun abhiman kyan saunun?
Dhali gai aakhi mahephil, emni ankho Dhaleliman
e, mara bhagyni saki, sura deje game tene,
mane kain ras nathi, ewi sura baki raheliman
jiwanman rang bas rai jay ewo rang chahun chhun,
bija lakho bhale relay rango rangreliman
mane dildar tara sam, malyun na, koi tara sam,
nikhil shodhi walyo srishti hun brahmani ghaDeliman
mane koi nathi jatun lai eni haweliman,
munjharo kem na aawe re! aani aa ja Deliman?
katha kale kahiti te tame aaje nahin karsho,
nawinman je majha paDshe nahin paDshe kaheliman
mane e beek lage chhe khachit ujagro naDshe,
jara hun aankh minchi laun, jari rajni wadheliman
ghani wela rami chhe e, ramatman shun are! ramwun?
na jane ras paDe chhe shun? ramat ewi rameliman
na, jane jeew kewo chhe, aa chanchal chanchrik jewo!
ghaDi jeew jay peliman, ghaDi jeew jay peliman
hatun abhiman bahu saune, gayun abhiman kyan saunun?
Dhali gai aakhi mahephil, emni ankho Dhaleliman
e, mara bhagyni saki, sura deje game tene,
mane kain ras nathi, ewi sura baki raheliman
jiwanman rang bas rai jay ewo rang chahun chhun,
bija lakho bhale relay rango rangreliman
mane dildar tara sam, malyun na, koi tara sam,
nikhil shodhi walyo srishti hun brahmani ghaDeliman



સ્રોત
- પુસ્તક : આઠો જામની દિલદારી (દોર બીજો) (પૃષ્ઠ ક્રમાંક 19)
- સર્જક : મનહર 'દિલદાર'
- પ્રકાશક : રન્નાદે પ્રકાશન
- વર્ષ : 1998