રેખ્તા
હિન્દવી
સૂફીનામા
રાજસ્થાની
પૂર્વવત્
purwawat
અમિત વ્યાસ
અમિત વ્યાસ
પૂર્વવત્ ભૂતકાળ તાજો થાય છે;
ને હજુ એક હાથ ત્યાં લંબાય છે!
ટુકડા રૂપે મળે છે, જે બધું;
એ બધું ક્યાં સોયથી સંધાય છે!
રક્ષવાનું હોય છે હોવાપણું;
અહીં બધુંયે એકનું બે થાય છે!
કાચની સામે રહી જો એકલો!
નિત નવા ચહેરા પ્રતિબિંબાય છે!
છે ભૂલા પડવાનો એક જ ફાયદો;
કેટલા રસ્તા પરિચિત થાય છે!
સ્રોત
- પુસ્તક : નાજુક ક્ષણો (પૃષ્ઠ ક્રમાંક 30)
- સર્જક : અમિત વ્યાસ
- પ્રકાશક : પોતે
- વર્ષ : 2002