રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
રાહબર આવે
rahbar aawe
અનંતરાય ઠક્કર 'શાહબાઝ'
અનંતરાય ઠક્કર 'શાહબાઝ'
કોઈ કાસદ અહીં અગર આવે,
આપના કૈંક તો ખબર લાવે.
અમે છોડ્યો છે રાહ કાબાનો,
આપની છો મુરાદ બર આવે.
મંઝિલે પહોંચવાની છે આશા;
દોરવા કોઈ રાહબર આવે.
હોડમાં હું મૂકું જન્નત, જ્ઞાની,
જો તું જન્નતમાં મય વગર આવે.
ફરી ઊઠું કબર મહીંથી હું,
જો તું અશ્રુથી તરબતર આવે.
સ્રોત
- પુસ્તક : પાલવકિનારી (પૃષ્ઠ ક્રમાંક 7)
- સર્જક : અનંતરાય ઠક્કર ‘શાહબાઝ’
- પ્રકાશક : યશવંત દોશી
- વર્ષ : 1960