રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

તોરણ ગુંથાય એવા છે

સ્નેહી પરમાર

તોરણ ગુંથાય એવા છે

સ્નેહી પરમાર

Roman

એકના બે ન થાય એવાં છે

તોય મોહી પડાય એવાં છે

હાથ ઝાલે તો એના આધારે

ઊંચે ઊડી શકાય એવાં છે

ખૂબ ટૂંકો પનો છે ચાદરનો

એ ય એમાં સમાય એવાં છે

માર્ગ કેવા છે એની જુલ્ફોના

હાથ સોનાના થાય એવા છે

એની સાથેના અણબનાવો પણ

એક તોરણ ગુંથાય એવા છે.

સ્રોત

પુસ્તક : યદા તદા ગઝલ (પૃષ્ઠ ક્રમાંક 35)
સર્જક : સ્નેહી પરમાર
પ્રકાશક : રંગદ્વાર પ્રકાશન
વર્ષ : 2015