રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

ખાંસે છે વૃદ્ધ ફાધર એ ઓરડો જુદો છે

રાજેશ વ્યાસ 'મિસ્કીન'

રાજેશ વ્યાસ 'મિસ્કીન'

ખાંસે છે વૃદ્ધ ફાધર એ ઓરડો જુદો છે

રાજેશ વ્યાસ 'મિસ્કીન'

Roman

ખાંસે છે વૃદ્ધ ફાધર એ ઓરડો જુદો છે,

બેસે છે ઘરના મેમ્બર એ ઓરડો જુદો છે.

એકેક શ્વાસ જાણે ચાલી રહ્યા પરાણે

ઘરમાં છતાં ય બેઘર એ ઓરડો જુદો છે.

મહેમાન કોઈ આવે વાતો જૂની સુણાવે

લાગે કદીક પળભર એ ઓરડો જુદો છે.

ઘરમાં જૂનું જે થાતું, બદલાઈ તરત જાતું

બદલાય ના તસુભર એ ઓરડો જુદો છે.

મૃત્યુ પછી પિતાના ખર્ચે કરી સજાવ્યો,

લાવ્યા ખરીદી ઈશ્વર એ ઓરડો જુદો છે.

સ્રોત

પુસ્તક : બેસ્ટ ઑફ મિસ્કીન (પૃષ્ઠ ક્રમાંક 112)
સંપાદક : હર્ષ બ્રહ્મભટ્ટ
પ્રકાશક : નવભારત સાહિત્ય મંદિર
વર્ષ : 2013